متابعة | روفيدا
حادثة توجع القلب 💔
طفلة عندها 6 سنين اتحرقت حروق خطيرة في وشها…
السبب؟
أطفال كانوا بيلعبوا بـ سلك المواعين مولعينه في الشارع!
السلك طار فجأة… ولزق في وشها وهي ماشية جنب مامتها.
الدكتور أكد إن الإصابة ممكن تسيب أثر دائم في وش الطفلة.
معقولة لعبة بنشوفها بسيطة تتحول لكارثة بالشكل ده؟!
سلك صغير يتحول لنار تحرق طفلة بريئة… وممكن في لحظة يأذي أي طفل تاني.
اللعبة دي انتشرت بين الأطفال في رمضان، لكن الحقيقة إنها مش هزار… دي خطر حقيقي.
رسالة مهمة لكل أب وأم:
بالله عليكم خلّوا بالكم من ولادكم.
راقبوا هما بيلعبوا بإيه وفين.
الفرحة اللحظية ممكن تتحول لحزن ووجع طول العمر.
وبرجاء من مشايخنا وأئمة المساجد ينبهوا الناس ويوعّوا أولياء الأمور بخطورة الموضوع ده.
لازم نوقف المهزلة دي قبل ما تحصل مصيبة تانية.
ربنا يحفظ ولادنا جميعًا 🤲🏻
