كتب : ندى صدقي
كشف الفنان صبري عبد المنعم، تفاصيل تعرضه للنصب على يد أحد أصدقائه في الوسط الفني، وخسارته 1.9 مليون جنيه.
صبري عبد المنعم في ملفات
وتابع الفنان صبري عبد المنعم خلال مداخلة هاتفية لبرنامج “ملفات” الذي تقدمه الإعلامية أميرة بدر على شاشة “هي”: “اللي نصب عليا واحد أعرفه من 10 سنين وبنقعد مع بعض، جيت قولتله عايز أبيع الشقة دي تحويشة 50 سنة شغل، وعشان عيالي ياخدوا الفلوس، وعملت عملية لمدة شهرين في القلب وكنت تعبان وبيجيلي الزهايمر من حين لآخر”.
واستكمل صبري عبد المنعم حديثه: “جالي بعدها بأسبوعين وقالي جبتلك مشتري للشقة وادتله عقود الشقة، هو شخص من الوسط بس الكارير بتاعه غير، ومش هقدر أكشف شخصيته عشان في تحقيقات.. وأنا عمري ما خونت حد ولا عديت فلوس ورا حد”.
وأضاف: “ونزلت معاهم البنك وكان الشيك بالدولار وقالولي اسأل بعد ٤٥ يوما، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مذرية وتعبان جدا، ومخدتش ولا جنيه”.
