بقلمي الكاتبة/#سهير المصري
في البداية كل عام ومصر كلها بخير
وهنبداء نحكي ونتكلم سوا
عن حاجة غريبة تحسو أن في حاجة غلط بتحصل
مش مفهومه بجد
هي ايه يا سوسو ؟؟؟؟
ياسمين عز الكيوت الاموره دي
مالها يا بنتي تصدقو انا مش متخيلة انها ست كدا وانثي
هي كيوت اوووي ومن النوع اللي بابي ومامي
المهم دخلت علينا من كم يوم بشوية حوارات هي مالهاش فيها اساسا .
الاول قالت حبي زوجك وبلاش صوتك يكون عالي وانتي بتكلمي واستقبلي بوجه بشوش وغيري من نفسك والكلام الحلو دا كله قولنا ماشي جميل والله انها بتنصح الستات وبتوعيهم علشان يحافظو علي ازواجهم وحياتهم
وتتطور الأمور أنها بدأت تشرح كيف الست تتكلم مع زوجها وأنها تكون بسكوتة كدا وهي بتكلمه ماشي برضو ميضرش
لكن الغريب واللي مش مفهوم بعد الهبد دا كله والكلام الجميل دا
تطل عليا وتقول للست لو زوجك كان عايز الطفايةيطفي السيجارة خديها منه وطفيها معلش سامحوني في اللفظ
طفيها تحت باطك ؟؟
دا بقا ليه بسلامتك هي الست عبده عند زوجها مثلا ولا جارية اهو دا اللي لا يسمح به لا شرع ولا دين أمر الست بان يحصل فيها كدا .
ربنا أمرنا بالطاعه له نعم وعلي راسنا من فوق
ربنا خلقنا من ضلع الراجل علشان نكون لبعض سند
يعني ايه اكون واقفه طول اليوم من شغل بره وشغل البيت وتربية الأبناء وهو يطفئ في سجائر هو انتي يا ياسمين تقبلي أن زوجك يعمل معاكي كدا ولا دا الكلام موجه لفئه معينه من السيدات مثلا
بالله عليكي ارحمينا من كلامك ارجوكي الستات فيها ما يكفيها والله والرجالة نفس الشي
ميبقاش الغلا الي بنمر به والحالة النفسية السيئه اللي الناس كلها بتعيشها وتجي انتي تكملي علينا
ارحمونا بقا تعبنا وجبنا أخرنا
