بقلميّےـورسميّے: الله يوسف محمود سند

في ناس كتير
قالوا الوجع
وجع القلوب

ربطوا الوجع
بقلوب ظلمها الحب
وكانت مصيرها الموت

لو على القلوب
في قلوب كتير
وهيفرق إيه قلب إتخلع

هتروح قلوب
وهييجي بدل القلب
كتير قلوب

وإقعد ونقي
ومش مهم تدوس عليهم
المهم إرضي نفسك
لكن قلوبهم تتولع

مبدأ علاقة
في دنيا فيها قلوب معاقة

صح الوجع ييجي م القلوب
بس الوجع بيكون كبير
أكبر كتير
لما القلوب تعيش الحياة
من غير ضمير

مش من حبيب
أو من هوى

لا عمر شوفنا قلوب بتفنى من هوى أو من حبيب

وجع الحبيب
أهون كتييير

عاوز تموت قلب
إمنع عنه دمه
عكر في دمك
وضخ بداله سمه
اقرب وجع للقلب
وهو سر همه

الدم مش جوه الجسد والروح

الدم متوزع مابين شقايق الروح

هتعمل إيه في غدر الشقايق

اللي ألمهم يموت ألف قلب
وينهي ألف روح

ألم الحبيب
ليه وقت مع الايام يروح

لكن الشقيق غدره بغباوه وصَّل كتير القلوب للموت

قصة حياتي
وعشت عمري أعاني منها

قالوا زمان الأخ عزوة
قالوا في عز الضيقة سند وقوة

وصبح في عز الضيقة الدم ميه

لا لقيت سند
ولا ضهري في عز حِناه
بيه إتفرد

ماجنيت من جملة قالوها زمان

إلا غدر بكل قوة
إلا قسوة
إلا غل وناره آيده
إلا نبتة كره طرحت في القلوب..

ووقت الحصاد داست بغل مش مهم مين يموت..
حصدت وطرحت مع الزمن بينهم عداوه..

زمان قالوها جملة وأنا صدقتها
مأنا كنت هبلة وقتها

بإن الدم عرض
وإن وعد الدم بألف وعد

وإن البنات أقرب ماليهم بعد أبوهم هو أخوهم.
وهيكون سندهم وقت ضيقهم والحياة مكان أبوهم

مش إن وقت حوجته بس هيبقى ليهم.
وإنه وقت الجد اول من يخون.

🔥هہمہسہآتہ حہآئرة🔥

رسم تعبيري عن قمة الوجع
أقلام رصاص وفحم
بقلميّے✍️.. هبة الله يوسف محمود

Loading