كلمات: أيمن البكري

الله يعوض
علي أيام زمان
الله يعوض
علي أيام ماكان
فيه نخوه وفيه غيره
وحب و أمان

الله يعوض
علي أيام ما كان لما
ناس بتعشق المه
ف عز السواد والضلمه
تحس وسطهم ب أمان
عارفين إيه معني الكلمه
دلوقتي أه لما
بنقابل حد عندوا ذمه
بنقول الله يرحم ليالي زمان
وكأننا إحنا ف زمانا
مفيش غير كل ندل جبان

الله يعوض
علي أيام كان فيها
ناس بتمد إيديها
علشان تساعد الغير
ناس ف الشده تلاقيها
إل معاها مش ليها
مش مستنيه رد جميل
دلوقتي مين فينا
بيفكر إنه يعمل خير

الله يعوض
علي العمر إل ضاع مني
وأنا وسط ناس كارهني
شلتهم ف عيني ونني
وإديتهم عمري وحياتي
وكانت ف النهايه جزاتي
داسوا عليا وسابوني
وإتخلوا عني

أيام زمان
كان فيه خير جوانا
وكانت الطيبه مليانه
كان فيه ثقه وأمانه
وأدينا إحنا دلوقتي
الناس بعضها متعرفش
وف المشهد مبنشوفش
غير غدر وغش وخيانه

Loading