كتب _ عبدالرحمن شاهين
ضحية بيحكي حكايتة ويقول.. كان هيتنصب عليا حالاً في شارع رمسيس بعد التوفيقيه كل الشكر للاسطى حسين الاسطوره لحقني من عملية النصب دي
تحزير مهم جدا لأصحاب الافيو ركزوا معايا
خلوا بالكم فى نصابين فى وسط البلد وشارع رمسيس فى التوفيقية حضرتك هتركن عربيتك وتنزل تشترى حاجه هترجع تلاقى العربيه مش بتدور
الفيشة اللى انا ماسكها بأيدي دى فى الصورة تحت الموبينه على طول..
واحد من النصابين بينام تحت العربيه ويدخل ايده من تحت يشيل الفيشة نص تيجى حضرتك علشان تدور العربيه مش هتدور وبعدين يجيلك الباشا بحجة انه بيساعدك ويصلحهالك هيفضل يلعب شويه وهيقولك الموبينه بتاعة العربيه بايظه وانه معاه موبينه بالصدفه هيركبهالك وياخد منك 1700 جنيه اوممكن اكتر على حسب نوع الضحيه
وطبعا الموبينه بتاعتك شغاله الموقف ده حصل معايا النهارده وكل الشكر للاسطي حسين الاسطورة اتصلت بيه وحكيتله الموقف والراجل قالي دول نصابين خليه يركبلك الموبينه بتاعتك وانا جايلك مع العلم انهارده اجازته
اكيد ناس هتقرأ البوست ده وهيكتشفوا ان الموقف ده حصل معاهم وان اتنصب عليهم لو حد حصل معاه الموقف ده بعد كده يجاريهم لحد ما تعدى عربية شرطه يسلمهم ويشوف اقرب محل عنده كاميرا تكون جايبه العربيه ويراجع الكاميرا هيلاقى فعلا ان فى حد نام تحت العربيه وشال الفيشه .. ارجوا نشير الموضوع ده لانه مهم جدا منقول
