كتبت: إنتصار محفوظ سرحان
لاقت ربها وهي حامل في الشهر الخامس أو السادس
ماتت وهي خايفة علي أطفالها مش علي نفسها
يا رب اشمل أطفالها برعايتك
هي طبيبة سمعيات بمستشفى الحياة بورفؤاد ” بورفؤاد العام سابقا ” ببورسعيد
زوجة محمود فراج طبيب الأطفال
و اخت نورهان هانى جلال طبيبة الرمد .
أم لبنت 5 سنوات و ولد سنتين
كتبت علي صفحتها من حوالي اسبوع
أنها هتتحجز ف المستشفى
و ادعولى علشان اولادى و خايفة أوى
و بعد حوالى 4 أيام اختها كتبت ان جيلان هتتحط ع جهاز التنفس الصناعي
بعد ساعات توقف القلب مرة و الثانية و الثالثة فى خلال6 ساعات تقريبا
إلى أن توفاها الله قبل نهاية يوم السبت 24 ابريل 2021 . المرحومة مواليد 1986.
بورسعيد اجتمعت علي الحزن على وفاتها
وعلي البكاء من أجل أطفالها
و إنا لله و إنا إليه راجعون
مما كتبت علي صفحتها
“إن الله يغار على قلبك من التعلّق بغيره ، فيصدّك عنه ويذيقك مرارة الفقد ، حتى ترجع إليه
- نقلا عن الإمام الشافعي
نفس اللى حصل مع د جيلان
قبلها بأقل من 48 ساعة مع د سمر السيد من بورسعيد لكن سمر كانت صيدلانية و ليست طبيبة لكن الموت و الفيروس ما بيفرقوش
و قبلها ب خمس ايام مع د عادل شحاتة فى بورسعيد
و قبلها بشهر مع د فتحى العراقى فى بورسعيد
و قبلها بسنة مع أول شهيد فى مصر د أحمد اللواح فى بورسعيد
قلبي مع بور سعيد مدينة البطولة والرجولة
في وفاة شهداء الطب
من زهرة شباب المدينة الباسلة
