بقلم شعبان علي
تعبت معاكي بادنيا
وجبت اخري خلاص
عمال افرش محبة
والاقي غدر الناس
ارجوكي خفي حبة
اتمرر الاحساس
ليه معندة معايا
ومطفحاني المر
كتبالي فالحزن وصايا
ولا فيه شيء بيسر
خلاص تعبت كفاية
الكيل طفح بيشر
سبيني وامسكي غيري
اللي عليه الدور
ولا حالفة ما تسبيني
الا وأنا مكسور
قلبي عمال يتالم
غرقان فبحر الآه
من كتر وجعه وألمه
نسي طعم الحياة
مولود معايا الوجع
مربوط بحبل السُري
تركيزك كله معايا
وعلى غيري بتمري
سقياه كاس الفرح
وسقياني كاس مُري
زايدة. فقلبي الجرح
راضية بعذاب ذُلي
لما نسيني الفرح
خُدي من قلبي وسُري
صبري خلاص نفذ
ارحمي ضعفي وذُلي
كفاية حرام تعبتيني
الدمعة فرت من عيني
كل ماقول خلاص هرتاح
لسكة وجعي تاخديني
ارجع وأقول هتتعدل
وجراحي مسيرها تتبدل
ألاقي التوهه ملازماني
وحياتي عماله تتفندل
اصبر نفسي على حالي
وأقول راضي بالـ جرالي
يغط قلبي يعاتبني
خلاص تعبت من حالي
