الضحكة الصافية
الشاعر: محمد منصور
راحت فين الضحكة الصافية ‘ راحت فين اللمة الدافية
ليه الحزن عــرف سكتنا ‘ حتى البسمة بقت بالعــافية
عشنا حياتنا حب في حب ‘ ياما ضحكنا كتير من القلب
كـــــــان أبــــونا ديما يحمينا ‘ وكـــــانت أمّنا بتجمعنا
كـــانت أمي بحـــر حنان ‘ كــانت تدي كمــان وكمــان
مهما تتعب كــانت تـــدي ‘ واللمسة منها كــانت شافية
كــان أبونا حكمة وأمــان ‘ فضل ونعمة من الرحمــــن
ياما ضحى بــروحه علشانا ‘ يــــاما علِّمنا عن الإنسان
والكلمة منه كانت كافية
كنا أخـوات وأصحـاب وأحباب ‘ ما اتحكم فينا أغــراب
دا الطيبة اتــربينا عليها ‘ عمر قلـــوبنا ما كانت جــافية
ليه الفــرح كــأنه سراب ‘ بعــدك يـــاما راح الأحبــاب
ليه السعد علينا غـــــاب ‘ بعـــدك يـــابا ليه اتفــــــرقنا
ليه دنيتنا عــذاب في عــذاب ‘ مشيوا وتركونا لدمـوعنا
والقلب لفـــراقهم داب ‘ حتى الغيرة بقــت مش خـــافية
ليه ما تسألش عليَّ يا أخــويا ‘ حتى ولو الباب في الباب
دا أنا اجيلك ماشي ع الشوك‘حتى لو رجلي كانت حافية
دارت الدنيا علينا يا أخويا ‘ ليه أصبحنا كما الأغـــراب
دا أنا عيني من بعـــدك عنِّي ‘ أبداً لا نــابمة ولا غــافية
تعــال نرجع زي زمــان ‘ زهــــر بيضحك في البستان
دا الأخ عمـــره ما يتعـــوض ‘ ومـــــودتنا تصبح وافية
نغسل قلبنا م الأحقـــاد ‘ ونعــــــود لـــزمن الأجـــــداد
دا أنت ليا سنــد وعمـــــــاد ‘ ومحبتنا ديمــــاً طــــافية
بقلمي الشاعر / محمد منصور.
الضحكة الصافية
