كتبت ليلى رزق
أنا لما حبيت أيه جرالي
ما كنت عايشه في حالي
كان ايه اللي رامني
توهت .. وفرحت
والفرحه مدوخاني
قولت اكتب
ولما كتبت حكيت
و وصفت حالي
في رضاك وخصامك وغيابك
وبكيت علي حالي
أنا لما حبيت أيه جرالي
فرحت والفرحه منوره
شوفتها زمان مع البنات
كام بنت فرحت إلا أنا
ولما آن الأوان
جت متأخرة وقالت لي
انت ياللي واقفه هناك
ومخبيه نفسك ورا الشباك
اطلعي وخدي نصيبك
وافرحي مع حبيبك
ولو في يوم غاب
وزاد منه العناد
ولما الحنين يدق الباب
ويسألك عن الغالي
والقمر ليه في السما عالي
فين حبك وسهر الليالي
إياكي تقولي عليه غدر
هو قبل بحكم القدر
- يمكن يعود بيه الزمان
ويحن للحب اللي كان
والقلب اللي عمره ما خان
إياكي تجي عليه
كفايه عليه مٌر الأيام
يا عالم كام حلم ودع وكام ..
دمعه نزلت من عيونه
يبكي ولا يدرا بيه أنسان
ويحبك ويحب كل مكان
شافكم سوا في الهنى
وشاف الفرحه منورة
