بقلم: سناء عاصم هلال
لما نقرب من الناس اللي بنحبهم ويكون القرب دة متبادل من اهتمام واحترام وتقدير ومحبه صادقه ملموسه في نبره صوتنا وتعابير وشوشنا بنحس الكون كله صافي والدنيا بترقص في عنينا واي حاجه سلبيه بنمر بيها بنحولها بالحب لشيء ايجابي او ممر لحياه اجمل علي النقيض لما اللي بنحبهم بيقابلوا حبنا بجفا وسلبيه وقله احترام وتقدير بنحس حياتنا كلها زى النهر اليابس وحياتنا جرداء مفيش فيها حاجه حلوة او شيء ايجابي والناس الحساسه اوي الموضوع بيأثر عليهم اكتر ضربات قلبهم بتزيد عن المعدل الطبيعي وكأن قلبهم عليه حجارة مانعه وصول الاكسجين وبيحسوا بخنقه وضيق التنفس وصداع مزمن بقه والضغط بيكون ضغط عصبي لا عالي لا واطي طبعا كل دة تأثرا بالنفسيه اللي بتدمر من التوقعات اللي مبيلاقيهاش وبيلاقي عكسها والطرف التاني اللي سبب في الشعور دة مبيحسش بكل دة ولا بيفهمه والا مدرك اد ايه الحاله النفسيه السيئه اللي بيمر بيها بتأثر علي كل اعضاء جسمه وعلي تعاملاته الحياتيه وعلي شغله لو بيشتغل وعلاقته باللي حواليه ومع مرور الوقت وعدم مباله الطرف التاني المشاعر بتقل واحدة واحدة لحد ما تتبدل بشعور جافي تجاه الطرف دة يعني وجوده من عدم مش فارق مهوا بشر بردوا مش حجارة . نادر لو لقينا حد بيحبنا ومخلص لينا بكل المعاني وبيهتم بينا ويحترمنا ويقدرنا فلو لقيتوا الحد دة حاولوا تقدروه متقابلوس حبه بجفا او من البدايه لو محستوش ان مشاعركم من البدايه متقبله الحب دة ابعدوا وصارحوه متحطموش حياته بالبطيء وتكافؤا الحب بجفا واعرفوا ان الحب الحقيقي مبيجيش في العمر غير مرة واحدة ومبيتعوضش ….حياتنا بتحلي بالحب وبتنور حبوا اللي يستاهلوا الحب قبل ما تصحوا في يوم متلاقهومش او يقابلوا ربنا وتندموا وقتها الندم مش هيفيد ..
احببكم الله وانار بصيرتكم وقلوبكم بالخير والسعادة والهناء ..تحياتي 😍😘
