حددت محكمة جنح التجمع الخامس، موعد 30 يوليو المقبل، لنظر أولى جلسات محاكمة الفنان عمرو دياب، لاتهامه بصفع الشاب سعد أسامة، خلال حفل زفاف ابنة رجل أعمال شهير.
أزمة عمرو دياب
وفي وقت سابق، نفى سعد أسامة ما ورد عن الشناوي، موضحًا أنه تقدم ببلاغ رسمي ضد عمرو دياب، قائلًا: “هو ليه بيتكلم بلساني؟..أنا مقولتش إني هتصالح ومش عاوز أتصالح.. أنا عاوز حقي وإن شاء الله هييجي.. لأني طالب حقي بشتى الطرق”.
وأضاف الشاب المصفوع من عمرو دياب خلال حديثه مع “تليجراف مصر”: “كل شخص بيتكلم على مزاجه أنا عن نفسي واخد قرار مش هرجع فيه.. أنا اللي بمر بيه محدش يعلم بيه إلا ربنا.. وأمي تعبانة وبتموت وحاطين ليها كانيولا ومعلقة محاليل”.
وحكى الشاب سعد عن تعرضه للإيذاء النفسي كلما خرج في الشارع، قائلًا: “أمي تعبانة ونزلتها المستشفى للطوارئ.. الممرضة سابتها بتموت وقالت لي استنى اروح أجيب تليفوني من المكتب عشان أتصور معاك.. هو مش انت بتاع عمرو دياب؟”.
سعد أسامة المصفوع من عمرو دياب
وتابع سعد أسامة وهو في حالة انهيار: “حتى سواق أوبر شافني سألني هو مش انت اللي اتضربت من عمرو دياب والسوبر ماركت وغيرهم.. أنا مبقتش عارف أمشي في الشارع.. لو أنا كنت محبط قيراط الناس خلتني محبط ومتدمر نفسيًا 24 قيراط.. مش مهم نفسية الواحد ولا الأم اللي بتموت لأ المهم ياخدوا اللقطة”.
واختتم حديثه: “في ناس معرفهاش بتقرر إنها تقف تسألني في الشارع هتعمل ايه مع عمرو دياب؟.. طب هو هيديك فلوس؟.. طب انت بما إنك صعيدي هتتصرف معاه ازاي”.
