تقوم الفكرة على إن كل واحد فى البلد وهو رايح يصلى الجمعة ياخد جنيه معاه و يضعه فى صندوق اسمه “جنيه كل جمعة”.. جنيه واحد بس .. مش كل يوم .. دا جنيه كل جمعة .. لو قلنا إن عدد اللى بيصلوا الجمعة حوالى 5000 متوزعين على كل مساجد كل قريه ..أو مدينه،
هيكون معانا فى الأسبوع 5000 جنيه .. نضربهم فى 4 أسابيع فى الشهر = 20 ألف جنيه .. 20 ألف .. دي ف شهر واحد بس .. دا غير إن فيه ناس ممكن تدفع أكتر من كده .. ممكن بال 20 الف جنيه دول كل شهر نجهز عروسة ؟.. مش ممكن نساعد مجموعة من الأسر الفقيرة ؟
مش ممكن نساعد يتامى ؟..مش ممكن نساعد مريض فى علاجه ؟
ممكن نساعد الطلاب غير القادرين ؟.. الجنيه مش هيفرق مع اللى هيدفعه ..
بس هيفرق مع ناس تانية محتاجة مساعدة .
ياريت لو عجباكم الفكرة تحاولوا تفعلوها عن طريق طرح الموضوع على أئمة المساجد ويكون قائم عليها الائمه وناس افاضل قائمين علي الصلاة في أوقاتها للمتابعه ويكون كل واحد مختص بالمسجد اللي تبعه عشان يكون رسمى .
وبعد ما يتم باذن الله كل مسجد ومسئولينه يعلنوا عن العمل اللي خرج وكل مسجد يكون مسئول عن المحتاجين بالجهه اللي تخصه بكدا مساجد البلد هتغطي كل الأسر المحتاجه بالبلد
وداخل علينا رمضان وكل عام وانتم بخير ويجعلنا سبب في سعادة المحتاجين
فكرة بسيطة .. ممكن تحقق أحلام كتييييرة.
