رؤيه بقلم : مصطفي العموري
الاسم والصيت مش بالمال
ولا الغش والخداع بيصنع الرجال
وصدق والله اللي قال
ان المحبه مش كلام
المحبه مواقف وافعال
المحبه مقابله ب ابتسام
المحبه كلمه تنسيك الألام
المحبه طبطبه برفق وحنان
بلمسه واحده بتشيل من قلبك الاحزان
المحبه قعده بعدها ترجع مبسوط وفرحان
المحبه صحبه متحسش معاهم بوحده او حرمان
المحبه ود وموده واحترام
وقبل ده كلو التزام
تغنيك عن الحوجه والسؤال
المحبه سند ووقفه جدعان
ايوه وقفه رجال
المحبه ابقي عايش حاسس ب الامان
بتكلم وبرغي او حتي بشكي ب امن وسلام
المحبه لو غبت عنك الاقي منك اهتمام
الاقي السؤال
المحبه يعني لمه عيله و زوجه وعيال
المحبه يعني شله سايد م بينهم الوئام
المحبه يعني قرايب ميعرفوش الا الوصال
ومفيش م بينهم افعال لئام
المحبه هي صاحب ميسبكش لو غرقان
يجري ويبات قلقان لو انت بت يوم عيان
يحس بيك لو كنت بس يوم تعبان
ويلف بيك لا يقول شقيان
ولا صرفت فلوس ومال
ميطمنش غير لما تتحسن معاك الاحوال
حد محتاج اقول عنه الفين موال
المحبه اخ راجل
وبيك عمره م يبقي تاجر
لا يبيع ولا يشتري فيك ف كل المراحل
اخ يبقي سند وسر اخ حر
مش معاك يبقي خاين قادر و فاجر
اخ يواجه معاك كل المعارك و كل المخاطر
ودايما عاملك الف خاطر
المحبه بتبان ع الوشوش
ومن غيرك الجمع ميتلموش ولا يكملوش
وغير سيرتك الحسنه ميجيبوش
لما تلاقي الناس عنك ميستغنوش
وان غبت يوم يسالو وميسكتوش
غير لما يطمنو او يعرفو انك بخير يا ميرتاحوش
بالموده والمواقف والافعال مهواش سحر مرشوش
حب ومحبه الناس نعمه اعرفو ياللي مبتفهموش
المحبه اطاعه لأوامره
المحبه تصبر ع قضاؤه وقدره
المحبه قلب راضي وشاكر لنعمه
ف يحبه ربه
ويحبب فيه كل خلقه
وده هو وعده
ربنا يكرمنا يارب من عنده ومن فضله
ويزيدنا ويزيدكم من عزه وكرمه
