بقلمى: فهمى محمود حجازى
انتِ جايالي فى ايه
انتِ ناسيه عاملتِ ايه
د انتِ ياما ظلمت فيً
والحنان رداه آسية
ودمع عيني شاهد عليه
ياما كنت باسعد وادادي
شبعت قلبك من ودادي
وسقيتك من شهدحبي
كنت عنوان التحدي
وقولتي انك ليً وحدي
كنت ليكِ كل حاجه
وكنتِ ليً أحلى غادة
كنت غارقانة ف سعادة
حب ليكِ كان زيادة
كنتِ غارقانه ف همومك
وأنا كنت بر رسيت فيه
كنت شطك للأماني
كنت حلم وبتعشيه
روحتِ بايعة كل حاجة
حتى قلبي والسعادة
كنت فاكرك هتصونيه
هو قلبي عاملك ايه
طب حناني والمحبة
ولا دمعي ع المخدة
اللي كانوا خايفين عليك
انتِ ناسيه ولا ايه
طب آسيتِ قوليلي ليه
لو لاقيتِ قلب تاني
يملا قالبك بالأماني
روحي يالا واسكنيه
بكره يجني اللي جرالي
ويجي يومه وتبعيه
روحي يالا للأماني يااللي
قلبك عاش أناني
واوعي تفتكري لثواني
لو رجعتِ يوم لقلبي هتلاقيه
انتِ جياللي فى ايه
