ليلي الشرقاوي
قربيني … ابعديني
لكن اوعي تنكريني
تنكري ايامي معاكي وسنيني
وتنكري الحب وتنكريني …
كل العمر اللي راح
كل … الجراح
ياريتني شوفت معاكي الصباح .. اتمنيت اشوف نظرة حب او حتي نظرة صافيه ..
نسيتي كل ليالينا الدافيه
نسيتي الود ..
اقولك …
لو في يوم سألوكي
فاكرة اسمه ؟
فاكره حبه؟
انكريني
انكري حتي انك كنتي تعرفيني
انكري كل ايامي وسنيني
يا حب العمر …
حتى لو افتكرتيني …
انكريني
انكري القلب اللي حبك
انكري القلب اللي سميته قلبك
انا استاهل كل وجعك
انا اللي قولت نبضي هو نبضك
انا اللي قولت ده مش قلبي ده قلبك
آه … آه لو اقدر انزعه
لو اقدر بايدى انزعك من وريدي
انا المريض بيكي
انا اللي كرهت اكون في يوم غير ليكي
انا … انا … انا اللي عشقت سواد عنيكي
انا اللي دوبت من لمسه ايدكي
انكريني .. انكري ايامي وسنيني