تصريحات نارية صدرت عن الفنانة سميرة صدقي، وملخصها يتضمن في “محمد رمضان خرب أجيال وربيت طفل وسرقني”. ففي خلال مداخلة للفنانة القديرة مع الإعلامية نهال طايل في برنامج تفاصيل والمذاع علي فضائية صدي البلد.
أعلنت الفنانة سميرة وصدقي وقالت: “تعرضت للسرقة على يد طفل ربته في منزلي. كان يعرف كل كبيرة وصغيرة في المنزل وهو يعيش معي بشكل مستمر. كان معاه مفاتيح خزنتي وكنت سيبة فيها مبلغ 400 ألف جنيه ومجموعة من المشغولات الذهبية. فوجئت بعدها بأنه عمل نسخة من مفاتيح البيت. ودخل هو وخاله وخالته على الخزنة وأخدوا كل اللي فيها. وطلب من حفيدي يروح معاه الكافتيريا لحد ما أهله يسرقوني. وبعدها رجعت البيت لقيت الخزنة مفتوحة وكل اللي فيها مش موجود”.
وتابعت الفنانة وقالت: “بعدها جه بوليس النجدة وهو بيعمله القهوة لاقى الواد إيده بتترعش وأخد تليفونه لقى مكالمة واحدة بس هي اللي موجودة، ومكلم خاله من الساعة 1 لحد الساعة 3 بس هما جابوا الفلوس بعدها وطلعت ناقصة شوية وبعدها اتنازلت عن المحضر، ومش عاوزة حقي وأنا متنازلة”.
وعن حديثها عن الفن قالت: “نفسي أمثل مع كريم عبد العزيز وياسمين عبد العزيز، ومنى زكي وأحمد حلمي. ومش عاوزة أشتغل مع محمد رمضان وبحترمه إنما في شباب ماسكة سيوف وبيقطعوا في بعض بسبب تقليدهم ليه في أعماله وده مش نجاح هو كده بيبوظ الأجيال”.
