عبدالرحمن شاهين
النهارده حنتكلم عن موضوع مهم جدا في المكنه وتلفها بيسبب مشاكل كبيره واصوات عجيبه وتحس ان العربيه حتجيب موتور اقصد حتفوت
وتكشف علي الزيت وتلاقيه تمام امال القصه فين
الكوستبانات …..او valve lifters……
اه بنسمع الميكانيكيه يقولوا الكوستبانه فيها وفيها
طب ايه هيا……
ببساطه جدا هي المسئولة عن نقل الحركة من عمود الكامات للصبابات في بيت الكامة، للسماح بدخول وخروج الهواء من وإلى الأسطوانات أو غرفة الاحتراق بشكل منظم وفي وقت محدد ودقيق،
يستخدم هذا الهواء للمساعدة في إشعال الوقود الذي سيدفع المكبس إلى الأسفل وبالتالي دوران المحرك.
وشغلها كله عن طريق مجاري زيت بتضح بوقت مناسب عن طريق تايمنج مربوط بكنترول العربيه
تعمل مواتير 2 عمود كامة زي موتورنا كده
من خلال 16 كوستبان، والتي تعمل من خلال شاكوش مخصص لضغط كل كوستبان علي حدا.
الصبابات ايه الي بيحركها عشان نحقق الشوط الاول في الحرق وتفتح لدخول الهوا والبنزين جميل
طب ايه الي بيقفلها عشان يتم الضغط والحرق ويفتحها تاني عشان العادم
اه يعني تقصد فتح وقفل الصباب بيتحكم فيه حاجه ….اه بدانا نوصل
الكوستبانات بقي هي المسئوله عن الفتح والقفل عن طريق بلف جواه سوسته بتتحرك بحركه الموتور وبسرعه رهيبه عشان تحقق فتح مثالي وغلق مثالي للصبابات وده من خلال شاكوش بين الكوستبانه والصباب
– يبقي الكوستبانه تنزل من خلال حركه الشاكوش لاسفل الصباب يفتح
الكوستبانه تتطلع من خلال حركه الشاكوش لفوق الصباب يقفل
يبقي السوسته الي جوه الكوستبانه لازم تبقي محمله وجامده عشان تستحمل دوران الكامه بسرعه الموتور ويبقي الحرق مثالي
طب ايه بقي اعراض تلفها
الزيت ثم الزيت ثم الزيت ثم الزيت ……
الكوستبانات بتتحرك فوق وتحت من خلال سوسته والي بيحركها هو الزيت
– يبقي لو الزيت وحش او فقد خواصه حياثر علي اداء الكوستبانات وبالتالي الحرق وحتسمع احلي سينفونيه تس تس تس تس تس تس تس
الصوت ده بيبقي مرحلتين ونقدر نكتشفه لو دورت العربيه الصبح وهي بارده هتسمع تستسه رهيبه وبعدين حتقل لما العربيه تسخن بس موجود وحتحس كانك راكب نص نقل مفوت
المرحله الثانيه حتحس ان العربيه مكتومه او شبه متلته كده مع الصوت ده لان الكوستبانه البايظه حتأثر علي حركه البلوف وده خلل رهيب في نظام الحرق
الحل….
بعد تشخيص الميكانيكي بيفك وش الكامه ويفك الكامات او كامه واحده ويبدا يختبر كوستبانه كوستبانه بالضغط عليها ويشوف السوسته شغاله ولا ضعفت وتغيرها ومعاها يوحبز تغير دلائل الصبابات او الشواكيش عشان الشغل يبقي فاخر
وخلي بالك العربيه الكامه الواحده بيبقي 8 صباب او 16 صباب ب 8 او 16 كوستبانه
العربيه 2 كامه 16 صباب او 24 صباب بتبقي 16 او 24كوستبانه
باذن الله نهتم بتغير الزيت في وقته والنوع المخصص للموتور لانه العامل الاول والاهم
العامل الاخير والثاني هو عمر الافتراضي للكوستبانه والسوسته لو ضعفت يبقي الحمد لله امر ربنا
الزيت ثم الزيت ثم الزيت لان موضوع تغيرهم قصه وموال وتظبيط وتقسيم مكنه وشغلانه كبيره
