كشف الإعلامي أحمد شوبير، عن تفاصيل انتقال الدولي المصري محمود حسن تريزيجيه لاعب الريان القطري والمعار من طرابزون سبور التركي، إلى ناديه السابق الأهلي للمشاركة مع الفريق في بطولة كأس العالم للأندية 2025.
وقال شوبير في تصريحات إذاعية عبر برنامجه المذاع على «أون سبورت إف إم»: «الأهلي بالفعل عايز يضم تريزيجيه، ولكن اللاعب معار من طرابزون وهيخلص الموسم مع الريان ويرجع تاني، إلا لو ناديه القطري ليه رأي تاني وقرر يشتريه أو أحد أندية الدوري القطري لأنه ماشي كويس».
وأضاف: «الأهلي عايز يضمه من بداية الموسم عشان يشارك في كأس العالم للأندية، وبيشوفوا موافقة اللاعب الأول عايز يرجع أو لأ».
وأكمل: «البعض بيقول إن تريزيجيه مش مبسوط في الريان، ولكن دي اجتهادات، وطلبات طرابزون سبور من النادي الأهلي للحصول على خدمات تريزيجيه مليون و300 ألف يورو، ومش هتبقى معضلة أوي على المارد الأحمر».
وأردف: «التفاوض شغال وفي خلية نحل شغالة في الأهلي لإنهاء المفاوضات مع تريزيجيه والحصول على خدماته، والجمهور بدء يقول رأيه تريزيجيه هيلعب فين».
