بقلم ماجدة البهيدي

مش عايزة اسمع
نص كلمة خليك مكانك
إياك تكون فاكرني تاني
هسمع كلامك
مش انت بعت
وفارقت قلبي ونسيت زمانك
اوعاك هترجع وتلاقيني
عايشة عشانك
انا طول حياتي وكنت فاكرة
ان قلبك ده ملاك
مكنتش اعرف ان حبك دمر
حياتي وطلع هلاك
تسبني تمشي تبعد سنة
وتيجي عادي ولا فارقة انا
راح حبي فين راح الحنين
و ذكريتنا وحبنا
راجعلي لي وبعد ايه
بعد الفراق مبقتش انا
روح يلا تاني وانسى زماني
انا مش عايزاك
ولا عايزة اشوفك واسمع
ظروفك الله معاك
ابعد وسبني ولا تحاسبني
خاليك هناك
ولا تاني اعاتبك ولا عايزة
احسبك ولا شرياك
كان بينا حب كان بينا قلب
مات من قساك
كان بينا وعد كان بينا ود
ظلمته معاك
انا كنت ليك أقرب ما ليك
وخنت قلبي الله يجزيك
اخرتها جاي تقول شاريك
و عايزني اوهب قلبي ليك
بعد ما هان قلبي عليك
دانا كات حياتي نظرة عينيك
ونبض قلبي وروحي في ايديك
وكان منايا بس ابقى ليك
قوم يلا امشي ده انا كان ده
رمشي فرش وغطاك
روح يلا روح ده انا كات الروح
سارحة وراك
ولا نص كلمة وفر سلامك
وفر كلامك وسبني انساك
وسع شوية وبعد اذنك
انا ماشية وانت خاليك هناك
انت في مكانك وانا في مكاني
ولا تيجي تاني ورايا إياك
ولا عايزة حبك ولا عايزة قلبك
كفاية اللي جرالي معاك
انا مش مدايقة ولا زعلانة
ان انا سيباك
لا لا بالعكس انا فرحانة ان انا فيتاك
روح يلا وجرب غيري وقرب
شوف مين بعدي هيحس هواك
يا ناكر خيري كتر خيري
استنى هناك انا مش فكراك
خالي الضحكة تنور وشي
خالي القلب يداوي قساك

السبت 2021 /16/10
:

ماجدة_البهيدى

: