جهاد حسن
تداول رواد مواقع التواصل الاجتماعي خلال الساعات الماضية مقطع فيديو قبر لشخص مجهول تخرج منه الدماء.
وزعم ناشري الفيديو أن المقبرة مدفون فيها شخص كان يقوم بأعمال الدجل والشعوذة والسحر.
وكتب ناشر الفيديو: «بقالي سنة كل جمعة وأنا بزور المقابر بشوف المقبرة دي من زمان نفسي انشرها على الفيس بس كنت بقول لأ عشان شكلها كان بيكون أصعب من كده».
وأضاف: «أنا معدي من قدامها ألقيها مولعة وبيطلع منها دخان وريحة صعبة».
وتابع ناشر الفيديو:«لما سألت التربي اللي في المقابر قالي دي مقبرة راجل كان بيعمل أعمال وسحر للناس وأنه كل فتره يفتحوها ويرشوها مايه لأن الجيران بتشتكي من الريحه والدخان اللي بيطلع منها والأطفال بتترعب، أنا بس حبيت أنشرها لعل وعسى الظالم يتعظ، هي دي بقى آخرتنا».
وبدورهم علق رواد مواقع التواصل الاجتماعي على الفيديو وكتب ناشط: «أعوذ بالله من غضب الله ربنا يعفينا يارب ويحسن ختامنا يارب المنظر صعب أوي».
وعلق آخر: «يا الله المنظر صعب بجد حسبي الله ونعم الوكيل في كل مؤذي».
وفي السياق أوضح الشيخ محمد رجب الأزهري من علماء الأزهر الشريف حقيقة ظهور مثل هذه الأمور على مقابر شخص الدجالين؟.
وقال الأزهري في تصريح خاص لـ «بوابة مصر 2030»، أن ما ظهر في مقطع الفيديو المتداول قد يكون حقيقيًا كما أنه أمر وارد حدوثه.
وتابع الشيخ محمد رجب الأزهري: «نعم ما ظهر في الفيديو قد يحدث، وذلك من باب العبرة وأن يتعظ الناس».
