دميه السراب
بقلم الكاتب: محمد عباس_ الاسماعيليه
كلمة توصف حبي ليك
انسي روحي واشتريك
لو تلف الدنيا تسال
مش هلوم وابكي عليك
مين تحب يكون شاريك
مين تباهي اسمه جنبك
يوم ماتزعل بيناديك
حد شاري وروحه فيك
جنب مني روحي عقلي
واما تبعد مش ناسيك
شر طالع من عينيه
صورة وانطبعت عليك
لسه فاكر كدبه ليه
شوفت قربه كاس اذيه
شلت بايديه القسيه
حد حاسس باللي بيه
دنيا واتحسبت عليه
غدر هجر دول شوية
وحدة غربه وجات عليه
شمعه طفيت بس ليه
الف روح ومع السلامه
بس خد وياك علامه
اللي باع عمره مايعرف
حرف من معني الامانه
اللي خان الغدر طبعه
وافتكر منه الندامه
هي دايرة وبكرة ترسي
ع اللي كان سايب ادانه
واللي يتفرج ويمشي
واللي بيذوق كلامه
واللي مقلشي كلمة حلوة
واللي خان حتي السلامه
دنيا سيرك صراع ديابه
حلقة تنهش في لغلابه
الفقير في الدنيا منسي
والخسيس منسك عباده
اللي ضحي عشان يبيع
واللي خالع ع السريع
شهر واحد كان ربيع
ازمة فيها بيوت تضيع
اللي جوا قلوبنا ايه
كره حسره وكام جنيه
نهم جشع وصار اساس
واللي غيره ندوس عليه
لو في بينا الف جرح
اوعي تنكر عيش وملح
عشرة فيها حزن فرح
اوعي تنسي بنا صرح
يومنا دنيا وبكرة اخرة
والميزان طابب في ناحيه
اللي عمله حلو جنه
والاذي في نار وماحيه
عثره رغم الضلمه نور
في انتظارالعسريسر
والعذاب داخل قبور
للي يكذب اويجور
واللي تتفات له بحور
واللي كان اصل الشرور
واللي فرق بين زوجين
كاس وكله عليه يدور
الف جرة والف سور
انسي خالص اي دور
لوتغالي في المهور
قسمة فاشله وارض بور
ابره ملضومة في خيط
شغل بره ونقش حيط
واللي قرب كان بسيط
سد خانه وكان حويط
دميه السراب
