رمضان ف الجريدات
بدرى ابوخزيم
ياريحة بلادنا ياحلوه ياعطر لسه
ف جلاليبنا يااصل مونسني ف كل مكان وشوش ناسك مهما بعدت محوطانى ومتونس بيهم وكانهم معايه وحوليه وعزوه وسند ومدد
كانت الساعه 6.30 بالتوقيت الصيفي و بعد المغرب على طوول
تم الفطار تمام و اتشالت الطبليه وتحطت على جنب بعد اداء المهمه على اكمل وجه وبالتمام والكمال
كانت الدنيا حر والسما فوقنا صافيا
والقمر علينا كان بيطل منور علينا
صحبتنا واه على القمر 🌜 ف بلدنا
و كوباية الشاى المغليه وحلاوتها
ولذاذتها وسكون حواليك فى كل حته وامااال فهمى ف الراديو
بتقووول فوازير رمضاااان
وفجأه
انطفى النور ولمبة الجاز ام بنوره جزاز حاضره ونورها والهباب كان ونس لينا و نور بصر وبصيره
طلعنا فوق كانت نزالى داود جنبينا
لوقاطع النور هناك يبقي قاطع عمومى
لو منور هناك يبقي عندنا احماال
والكبينه هترتحلها ساعتيين
ويجى النور ونقووول ها ااااااه
النوووووور جه
نفتح التليفزيون وتطل علينا الجميله نجوى ابراهيم
والان مسلسل لا اله الا الله
نتمنى لكم مشاهده ممتعه
بس كانت القلوب ماليه البلاد نور
والحب بينا كانت كبينته بدون احمال منوره على طوول
كل سنه وحضراتكم طيبين
ومع رمضان فرحانيين مبسوطين
رمضان ف الجريدات
