ساقية دواره
بقلم الكاتب: محمد عباس_ الاسماعيليه
تبص شمال تبص يمين
تلاقي شرور علي الصفين
بعلو الصوت صراع مجانين
الام وهموم وصوت بلالين
لاخير نافع ولاراضيين
نفوس جاحده وضد اللين
وعايشه صراع تقول مساكين
مافيش حاجه بتملا العين
غير الفتنه يدوب فاكرين
قلوب كارهه لاتعرف دين
سموم وكلام كما السكاكين
لافي رحمه ولافي حنين
حرام يتسموا بني ادمين
دهاء والمكر ناس ملاعين
طباع تغلب وزي الطين
قلوب حاقده وبالملايين
ياريت ترحل مع الشياطين
في يوم اوشهر والا سنين
سنين والساقية دوارة
بتخطف حلمي بمهاره
مابين عاتيه وجباره
وبين غادره ومنداره
بقول يارب في اشاره
لاانا عارف اعيش وامشي
لكن راضي ودي اماره
انام واصحي علي فكره
اشوف فرحه اكيد بكره
اقول يا رب استرها
واعد حروفها وسطورها
بروح انسان ملاه نورها
عبير وزهور وبان حورها
سمر في حياتنا راسمينه
وليل ونهار مقاسمينه
لكن ولامره ناسينه
ما بين ملاعين مفارقينه
وتاركه هموم علي جبينه
مابين غربه وناكرينه
اثار بتغذي شرايينه
وبين ازمه مفارفينه
نتوه والسكه حلزونه
ساعات تقلب لبلونه
ومره تلاقي مجنونه
بتنزع كلمه جوانا
ياريت ترجع وتهوانا
بنظرة عطف تلقانا
وخير وسرور بيملانا
نلف ندور في جوانا
الام وهموم مزحمانا
شرور وبقت ملازمانا
واد الكون في مرسانا
بتسرق فرحه في سمانا
تدمر لو ب ١٠٠ دانه.
ساقية دواره بقلم الكاتب: محمد عباس_ الاسماعيليه
