كتبت / نجلاء فتحي

صعيدى يابوى علي حج

صعيدي ولا أنطج غير الحج

صعيدى وأفتخر بنسبي وهويتي

صعيدى راجل فى بيتي

صعيدى أصد المخاطر

صعيدى راجل من ظهر راجل

صعيدى زراعي رصيدى

زراعي حارث طيني

أرضي هو عرضي وذاتي

صعيدى أفوت بالحديد

دماغي عمرها ماتلين

صعيدى دماغه أقوه من الحديد

بس لو مناقشة يلين الحديد

ليه نخسر أهلنا وناسنا

سببه إيه .

مشاكسة عيال

ضرب الدم في نفوخي وقال إيه وزة شيطان

الولد اتعارك جري في للحظة دب السكين قال إيه ياأبوى

وزة شيطان.

دب الرصاص هنا وهناك عاركة بسيط تخلص في للحظة .

لوكان في كبير عيب ياإبني ميصحش مكنش حصل ده كله

عيلة فلان صابها الرصاص والاسم ايه وزة شيطان

صعيدى يابوى علي حج ومحاربش غير للحج

تلاجيني واجف وقت إلشدايد وف ظهر أخوي وعمي وخال

وقت بلدى ماتحتاجني تلاجيني واجف مثل إلسباع

تلاجيني راجل وسط الشجعان .

راجل من ظهر راجل

في خدمة بلدى أجري وأفوت وسط الحديد

وه من جلت منول صعيدى يابوى وافوت ف الحديد

صعيدى ودماغي ابدا ماتلين .

نفسي إلطار يجي للبعيد عدو أشعل ناري فيه وتجيد

مش طار بايت بين الجرايب

طار يروح فيه جلب الصعيد كفاية ياولد خاليك كبير

متكلش ناسك وتجيد نار من جديد

إيدك في إيدى نفض الشباك بين العلتين ونعيش بأمان

وجف الدم وكفايا دمار احنا كبرنا بنبني بلاد

إيدك في إيدى ونعمر بيوت .

إبني وإبنك هم الأمان بحبنا ليهم وفرنا الأمان

وخوفنا عليهم من غدر إلزمان.

بالك يابوى.

لو ابني خادوه بالحرب ودوه وجاني شهيد عمرى أبدا مزعل

عليه هبجي فرحان واحتسبه شهيد .

انما هنا يابوي لما يموت من وزة شيطان .

أحزن عليا وعليه لاني مافهمته انه عيب وخاليته يجرى ورا

وزة شيطان.

صعيدى يابوى ولو علي رجبتي أجول وأشهد بالحج

وصيتي يابني تكون كبير وإوعي تجرى ورا وزة شيطان

Loading

By hanaa

رئيس مجلس إدارة جريدة الاوسط العالمية نيوز