بقلم : سناء عاصم هلال
طبطب عليا وقولي هتعدى
امسك بأيدى هون عليا الاسي
انا شلت ياما من همومك
كل اللي فات اتنسي
عديني لبر امان وانشلني من الاحزان
كفكف دموعي علي اللي فات
خليني انسي الذكريات
ارسملي امل وفرحه
نورلي طريقي لبكرة
عشت احلم بيوم جديد
يوم كأنه يوم العيد
شفتك ضويت شموعي
وحضنت املي بضحكتي
يا فرحه بكرة في عنيك
يا حب العمر خليك
نبدا سوا ايام جميله
عشقك دوا لعمر فات
وهنسي بيك الذكريات
نسطر عمر من تاني
يا املي وكل احلامي
عمر كله بيك وبس
ولهواك انا قلبي حس
قلت انه دا اللي كان فارس احلامي
شفته مش كلام والا دى اوهامي
نورت عمرى بوجودك
يا حبي انا قلبي معبودك
