عادي

كتبت ليلى رزق
عادى
واحنا يعني كان بينا أيه
دول شويه حب مشاعر
و وفاء اتعاهدنا عليه
مكنش في بينا عقد
ولا حتى كان ليا حق
اسأل وقول كل ده كان ليه
لكن حبك كان اغلى ماليا
و بقول لنفسي ده نصيبي
وفرحتي من الدنيا ديا
ولما صبحت وما لاقيتك
و قولتلك هعيش ازاي ؟
قولت لي عادي ..
فضلت أردد لنفسي .. عادي
هو احنا يعني كان بينا أيه
دول شويه حب ومشاعر
و وفاء اتعاهدنا عليه
عادي .. يا نفسي بقولك ايه
كوني لنفسك سند
ارجعي لوحدتك وغربتك
أنسي انك في يوم حبيتي
أنسي القصه كلها
وقولي لقلبك عيش وحيد
في الزمن ده كله عادي
أفضل من كل يوم تتحايل
ولما تتطلب كلمه حلوة
يقولك لأ .. مش قايل
يا قلبي انت اللي غلطان
كانت من البدايه كدبه
طيب ليه دلوقتي زعلان ؟
ما انت عارف من زمان الحب وانت مش أصحاب
وكام قلب دق عليك الباب
وانت تقول للكل لا ..
أنا مليش احباب . .
جاي بعد العمر ما فات
تفرح وتقول لاقيت احبابي
و هعوض طفولتي وشبابي
اهو جه اليوم ياقلبي عليك
وبدل ما فرحت بكيت
واتحقق خوفك من العزاب
اتحقق غياب الاحباب
وتقولي كنت خايف اتعزب
دي نتيجه ومحتومه ..
وتقولي ازاي ؟ ..
هقولك عادي
دول كانوا شويه حب ومشاعر
بس معرفش يحافظ عليه
هقولك أيه .. عادي