بقلم الشاعرة /راندا صادق
عام وانقضي *عمر ومضي
نفس اللي قلناه من سنين
بنقوله تاني *وكأن عمرجديد بدا
نفس الأماني والحنين
نفس الورود نفس الأنين
احساس غريب بيدب فيك
كل المشاعر والآمال
بتخلي كل الكون في قلبك مبتدأ
يا هل ترا العام الجديد
هيكون بجد اكيد سعيد
وللا هنبدأ من جديد
نندم على الجاى واللي فات واللي ابتدا *
من قلبي بدعي الكون يعود
للحب والاحسان يسود
بدعي لرب العالمين*
يارب على طول المدي
أصلح لنا الحال والظروف
منشفش تاني عذاب وخوف
ولا حد يلعن في الظروف
ولا تشمت فينا العدا *
يارب *
