عصافير الياسمين
بقلم الكاتب: محمد عباس الاسماعيلية
حد شافني مره بضحك
راح وجاري ع المدير
تاني يوم الصبح جاني
قال منور يا امير
قلت راقد في سريري
والبيوت من غير نساء
كل يوم حيرة وبعاني
شوف لي وصفه او دواء
نفسي اطلع من همومي
نفسي افرح جوا نومي
الامل في طريقي خالي
والمصير بقي شيء خيالي
نفسي حد يكون مثالي
حد صافي مش اناني
كل يوم الاقيه امامي
بابتسامه وقلب حاني
قالوا انك جراح كبير
والا كان تحقيق مصير
قول وفضفض بكره خير
منور الفيس يا منير
احكي قول سرك في بير
حد غيرك يستجير
لوتفكر تستنير
جنب منك كل سير
بعدها سبته ومشيت
كنت بحلم لو جريت
ناس بتاخد حق غيرها
وناس و تعباهه ضميرها
يبقي فاضل ايه اسير
لما دفتر كله شير
لما مات فينا الضمير
يبقي فين حق الاجير
التبرع كل ساعه
نفسي حد يقول اشاعه
فك زنقه او وداعه
بيت وفاتح دي بشاعه
نفسي املا الكون محبه
نفسي افرح حبه حبه
شخص داري عني جرح
بيبادلني في موت وفرح
دي البيوت من غير نساء
ما في خضرة اونماء
والفلوس ياالله السلامه
دنيا عايشنها في بلاء
الصداقة في كل دار
واللي بين الناس حوار
حد وافي في الطريق
فك زنقه وكل ضيق
لما اشوفه اقول صديق
بسمة حلوة تبل ريق
يطفي جوايا الحريق
حد حاسس كل همي
جنب مني ده الرفيق
كنت بحلم كل ثانيه
دنيا غابه وبكره فانيه
لونصفي في يوم ضميرنا
نجني ثروة واحلي دنيا
اللي قالك قالي عنك
واللي جالك ده لأنك
شكل زاهي كله منك
ده اللي زاد همك وغمك
……………..
لو نسيبنا م العصفورة
يبقي هنشوف احلي صورة
جنبها في الاصل جورة
فرسة في الرسم وسنيورة
