علمتني
بدرى ابوخزيم
الحياه علمتني كتير علمتني ياما..
علمتني ان الحب مش محتاح علامه ولا نظره وابتسامه..
اللي يحبك لو حس بتعبك. حيجيلك..
وقلبه قبل لسانه حيقولك ألفين مليون سلامه..
اللي بيحبك
لو شاف فيك الف عيب و عيب..
هيناسهم علشان الحلو اللي فيك..
واللي بيكرهك .عشان الحلو اللى فيك ممكن يعاديك..
اوعاك في يوم تطلب الاهتمام من حد..
اللي عايز يهتم بيك حيهتم
حتي لو بينك وبينه ألف حد وحد..
الدنيا دوراه.. لو اتوجعت السبت ..
اللي سابك أكيد حيتوجع الحد..
ماتخليش حد في الجدعنه ينافسك..
خليك جدع وواسي نفسك بنفسك.
