بقلم الكاتب:  محمد عباس_ الاسماعيليه

بيني وبينك احلي كلام
بركان حب وكله هيام
بيني وبينك شوق وحنين
واقع عشته وقالوا مصير

بيني وبينك حب كبير
شريان نابض نور وحنين
شجرة بتطرح بين حبيبين
لهفة وشوك ومعاني كتير

بيني وبينك عام ورا عام
كل سنين عمرنا الهام
نبني نعمر في البنيان
هنقضيها في شوق وحنان

كل عام وحبيبي الغالي
كل املي وام عيالي
نور بيخلي الكون يحلالي
رمز و نور للقلب الخالي

كل عام وحبيبي ووعدي
نور بيحضن قلبي وسعدي
عشرة طويلة تكفي مدينه
نور ووفاء بيزين معانينا

احلي لحن وكل حياتي
حلم قلبي وحبي وذاتي
نبض يسري في كل وريدي
اغلي فرحة ده هو حبيبي

كل املي ونوري وعيني
احلي زهرة لكل سنيني
كنز عمري نهاري و ليلي
فرح قلبي ونور يحميني

كل عام بنشوفه اغاني
في مودة وروح وتنامي
والربيع في الورد بيحلي
لما شوكه في ايدي يلالي

انا بشتاق لك وانت بعيد
جوا القلب النار بتقئيد
حب حقيقي بدون تهديد
نور بيزيد في لقانا العيد

وانت بعيد او وانت قريب
تملي حياتنا بحب جديد
كل الشوق في القلب يزيد
لما تجيني ده احلي وعيد

كلمات نشوي بقولها بقلبي
توصف لك اخلاصي وحبي
طول الليل وبصبر نفسي
لما بتبقي بعيد عن قلبي

لما بتعجز روحي تقولها
اوتحيكيها وتتاملها
لمست ايديك بتكملها
بشعور هز كياني وجالها

وشعور خدني لعالم تاني
احساس جاني ملي وجداني
عزة نفسي وكل امالي
يوم ما ملكت الكون بخيالي

عرش زماني وكل مكاني
لما حبيبي يضحي عشاني
حلم حلمته حقيقة وعشته
كل يوم بين يوم والتاني

دا عيد حب اتسمي عشانى
أنا وحدى مع نصي التاني
أنا بالورد أهديكى اماني
ومعاه قلبى. وكل كياني

مال الدنيا مايغلي عليكي
طول ماعنيا جوا عينيكى
اغلي هدية وكل مليكي
لما وافقتي تبقي شريكي

أنا بأعشق في خيال اسطوري
وفى حبك أنا روميو وجوري
ولاحتى فلانتينو في شطري
وأنا واقف وياكي بطولي

في عيونك سجلت سطوري
وفي قلبك بنشد اشعاري
ومعاكي لحني وراس مالي
هو جوازي وكارت مروري
هو جوازي وكارت مروري

Loading