كتب خالد محمد
استغاثت فتاة تدعى حنان إبراهيم طلبة حميدة، تبلغ من العمر 23 عامًا، من مركز طلخا بمحافظة الدقهلية، عبر موقع التواصل الاجتماعي فيسبوك، حيث قالت في منشور لها: أنا بتعرض للعنف الأسري ومهددة بالقتل والرمي في الشارع أنا وأمي المريضة العاجزة، وعيلتي اللي المفروض انهم سندي وضهري اتخلوا عني تمامًا.
وقالت في حوارها لجريدة الاوسط العالمية نيوز”والدي اتعرف علي واحده وقال للناس انه متجوزها عرفي ولم عرفناها عرفنا انها رقاصة
هي بتقول علي نفسها انها مطربه بس هي بتغني وبترقص في الحظوظ والموالد + انها سيئة السمعه ومشهوره بكدا
عرفنا انها متجوزه عرفي وعلي ذمة واحد تاني
وعرفنا انها مقضيه حياتها كدا جواز عرفي من الرجاله الكبيره عشان تضحك عليهم وتاخد فلوسهم
لم وصلنا لأهلها وكلمناهم ولم هي عرفت اننا بندور وراها بعتو يهددوني انا وامي انهم هيفضحونا في المنطقة ومش هيسبونا في حالنا
و اختها قالت لماما هنحرق قلبك علي بنتك وهنرمي في وشها مية نار
عاوزين يشوهوني لان انا كنت موديل وكدا
دلوقتي بابا كتبلها الشقه ال احنا اعدين فيها اصلا وبتهددنا انها هترمينا بالشارع
واحنا مفيش مكان نروحو ….
للعلم كان عندنا سوبر ماركت والدتي ال كانت فاتحاه بفلوس ورثها من 25 سنه
ومن 3سنين لم حصلت ظروف مرضيه
بابا وقف فيه لوحده .. وخرب المحل علي الست دي باع كل حاجه و ادالها الفلوس والمرتب بتاعه
وبقاله 8شهور مش بناخد منه جنيه واحد
الست دي بتحرض بابا علينا انه يقتلنا
وبالفعل مره مسكلنا سكينه في الشارع
وقال لنا انه هيدبحني قدام امي والكلمه دي عليها شهود”.
