قبل ما نبدء عتاب
بقلم صالح منصور
قبل ما نبدء عتابنا
عايز اقولك كلمتين
اوعى ايدك تلمس اديا
او عينيك تصعب عليا
او كلامك يكون ليا
مش علشان مبحبكيش
ولا قلبى مزعلنيش لا
بس شفت حبك فى عينه
وانتِ بتمسى عليا
شفت نار الغيرة فى وشه
لما ايديك لمست اديا
شفت دمعه مقولكيش
اد ايه صعب عليا
لما عينى جت
في عينه وهو بينظر اليكِ
سألت نفسى وهو بيدارى دموعه
هو ايه بينه وبينك
خلى دموعه تغسله
ولا نار الغيرة تقتله
هو يوم كان حبيبك
ولا انتِ عمرك ما حستيه
ولا بعيونك اسرتيه
ولا بقلبك خبتيه
قبل ما اقولك حبيبتى
جاوبى كل الاسئله
قبل ما نبدء العتاب
و اللى بينا يبقى سراب
انتِ بجد حبتيه
واللى فى قلبك خبتيه
هو ولا انا
صالح منصور.
