قول ياقلم

بقلم: فهمى محمود حجازى

قول ياقلم واكتب كمان
عن اللي باع وعن اللي خان
ع اللي رسم وش البراءة
وهو فى الأصل جبان
عن اللي باع وما سبش
حتى ساعة الفراق نظرة حنان
لأ كان بايعنا وباع كمان
عشرة مابينا من زمان
عن ناس مابينا عاشوا الأمان
خدوا حلم منا وقالوا خان
واحنا اللي كنا على صدرهم أعظم نيشان
د الوقتي بان الأصل من خلف البيبان
وبان حقيقة كدبهم لما قالولنا من زمان
إن احنا كل همهم وكلام مزوق بالدهان
والوقتي زال كل الدهان حتى
الصدا اللي ف قلوبهم لعيونا بان
الله يعوض صبرنا على اللي
ضاع وعلى اللي كان
ويداوي جرح ف قلب كان عاطي الأمان ولاعمره خان
بقلمى فهمى محمود حجازى