كنتوا فين

بقلمى: فهمى محمودحجازى

انتوا ليه مستغرابين دمع طفل جواه حزين
ذنبه إن ابوه وأمه كانوا عنه مغايبن
والدمع عنده جوه قلبه و العنين
انتوا فين ساعة اختياركم للمصير
انتو فين لما جرحتوا فى الوتين
قلب طفل محتاج لأمه أو لأبوه كنتوا فين
لما الدموع نزلت بتدبح فى الوتين
والفرقة قسوة بين ولاد متشردين
كل كلامهم النهارده نروح لمين
عند بابا ولا ماما وحقوقنا فين
ولسه بندور فى غابة عن حنين
عن حضن يجمع شملنا لما نكونله محتاجين
الحياة مش لحظة حلوه بتنقضي
ويجي الجنين
وندفعه تمن حياته فى وسط غابة
ونقوله دور ع السعادة بقلبه الحزين
ولما ييأس من كل حاجة ويروح فى سكة التايهين
تقولوا عنه ده ابن مين
ده ابن ابوه اللي ساب فى قلبه جرح سمع فى الوتين
وابن أمه اللي قالت أنا حقي فين
ولما ضاع الطفل بينهم حسوا يومها بالأنين
طب كنتوا فين