لسه حسها ف الدنيا
بدرى ابوخزيم
لو امك لسه حسها ف الدنيا
خلى بالك أوى منها
متسبهاس لوحدها ساكته
اشبع منها وكلمها
العمر الطويل ليها
وألف بعد الشر عليها
لو راحت من قدامك
والله ولا حد غيرها
هيطبطب يوم عليك زيها
ولا هيبقى أحن منها
صدقنى واسمع كلامى
هيجى يوم تشتاق لكلمه
كلمه واحده تسمعها منها
ولو مش مصدق كلامى
روح اسأل اللى امه ماتت
وشوف جراله ايه بعد منها
راح يصعب عليك حاله
وهتجرى عليها تبوس ايديها وتوطى تبوس تراب رجليها
حسها ف الدنيا.
