لسه كتير
بقلمي: جمال القاضي
لسه كتير احلامنا
بس الخوف مالي قلوبنا
خايفين من بكره
او يمكن خوفنا
لاننا مش هنلاقي
في يومنا اللقمه
تبقى جبان
تبقى ضعيف وكمان
مش إنسان
ولو فتشت بقلبك
مش هتلاقي
حتى إيمان
لان الرزق
في القرآن مكتوب
وقبل ميلادك
كمان مقسوم
والمكتوب هيصيب العين
بس نهدي نفوسنا شويه
أصل الدنيا
دي زي فصول
رايقه ساعات
وشويه تلاقي
حولينا وفوقنا
الجو ظلام
وتسأل ليه
وتلاقي جواب من غيرك
فيه بيقول
سحابه وغيمة
فيها الخير
وبعد المطره
هتلقى الدنيا
في سماها الشمس
جايه تنور
من تاني الكون
والعجلة تدور
ولما تضيق الحاله
اصبر بس شويه
وبعد الضيق راح تلقي
أكيد الحال ميسور
جمال القاضي
جمهورية مصر العربية.
لسه كتير
