أماني أبو عيسى
وجهت الإعلامية مروة صبري نقد شديد لـ أسما شريف منير، وذلك بعدما تصدرت الأخيرة التريند بسبب حلاقة شعرها.
وقالت مروة صبري في برنامجها قعدة ستات: “أسما منير بعد ماخدت التريند، لقيناها بتقول إنتو ليه بتهاجموني، ومحدش يقلدني في اللي عملته، والمتابعين بيسخنوا أبويا عليا، يا أسما أنتي داخلة تاخدي التريند، في ناس هتقولي إنتي مالك ما يمكن هي تعبانة ومضطرة تحلق شعرها عشان الصبغة بوظت شعرها، فمن الكوميديا أنك بعد ما تحلقي تصبغيه أصفر، ده غير إنك طالعة وأنت بتحلقي شعرك لايف عشان الناس تعلق على الفيديو”.
وأضافت: “وكمان رايحة مهرجان الدراما على الرغم إنك مش ممثلة أساسًا يعني لو مرحتيش محدش هيسألك أنتي مجتيش ليه، نفسيتك تعبانة متتصوريش متجيش تقولي وتهاجمي الإعلام وتقولي بتتكلموا عليا ليه، اللي أعرفه إن حد تعبان وشعره بيقع ميصورش، لكن أنت عايزة تلفتي انتباه الناس، أصل أنا بقالي فترة مش متشافة ومعملتش تريند”.
