بقلم بسيونى ابوزيد

٢٥ يناير بصراحة كده ومن غير رتوش ..
طلعت علينا الفيران من الجحور زى الوحوش ..
ماهى بلاعة واتفتحت وريحتها فاحت ومحدش كان قادر يحوش  ..
ناس كنا فاكرينهم غلابة طلعوا العن م الديابة..
الشر اصله فى دمهم بايعين ابوهم وامهم …
لابسين ثوب البراءة ولكن الغدر والخيانة فى دمهم..
٢٥ يناير ثورة شبابك يا مصر.. ركبوا عليها الخرفان ثانى يوم العصر..
ولولا ستر ربنا لضاعت مصر واتشردنا كلنا..
٢٥ يناير عملت للخسيس قيمة..
وخلت الجرابيع زى نجوم السماء..
وهانت ابن الأصول وخلت ليله يطول..
٢٥ يناير لولا ستر ربنا لضاعت بلدنا وضعنا كلنا..
ماهو كل البلاد بيحرسها الملائكة إلا مصر بيحرسها ربنا..
شرطة وجيش عظيم من خير اجناد الأرض.. دافعوا عنها وحموا الأرض والعرض..
وشعب كان مخدوع وفى النهاية فاق وعرف المؤامرة وأصل الحكاية..
وفى ٣٠ يونيو كانت البداية.. بداية تاريخ جديد لمصر كتب للإخوان نهاية   ..
بس الصراحة انا كنت خايف وماسك قلبى بإيدى..
كنت خايف على بلدى ليولعوا فيها وأنا مش بإيدى..
لكن ربنا ستر وزاح الخطر.. وانتصرنا على دواعش اسرائيل وتركيا وقطر..
ورغم الخطر بنبنى ونعمر فى كل مكان زى المطر..
وشوية شوية بدأ الفجر يشقشق والنور يبان..
وكنوز الخير فى بلدى بتظهر وتبان..
وموسم الحصاد كل يوم بيقرب كمان وكمان..
مصر خلاص قامت وكلها كام سنة ومتلاقيش حد من ولادها متغرب..
ماهو الحلم أصبح حقيقة ويوم عن يوم بيقرب  ..
امانة عليك ياشعب تصون العهد وبروحك ودمك تفديها من كل عدو خسيس يحاول يقرب..
٢٥ يناير عيد الشرطة المصرية..
ذكرى شهداء فدونا بأرواحهم أنا وانت وهو وهيه..
وهقولها بكل فخر ومن كسوف .. مصر مبقاش فيها مكان لأى إرهابى خروف..  والنهاردة بنقولكم بكل فخر وبكل ثقة ادخلوا مصر إن شاء الله امنين وبدون خوف  ..
تحية حب وتقدير واحترام للشرطة المصرية العين الساهرة على أمن وأمان واستقرار هذا الوطن بكل شجاعة ومن غير خوف..
رحم الله شهداء الوطن واسكنهم فسيح جنانه، من رجال الشرطة والقوات المسلحة الذين ضحوا بأرواحهم فداء لتراب هذا الوطن..
تحيا مصر.. تحيا مصر..  تحيا مصر

Loading

By hanaa

رئيس مجلس إدارة جريدة الاوسط العالمية نيوز