بقلم: رانده صادق


مش كله بالمشيخة
والقعدة والأنتخة
ده كلام كبير وتقيل
واهه كله بيفوت
بتعاملوا مين بالدين
ده الدين برئ منكم
لو كان كده دينكم
بالشكل ده يموت
عايزننا في المفرخة
وكأننا كتاكيت
بتعلمونا حاجات
فاكرين لها أساسات
واهه كله أدى وهات
شخلل بدون عداد
حاجة بيها اتقوت
يا خسارة التعليم
اللي بدون تعاليم
واللي ماعنده ضمير
يخدع ويتعود.
عارف ملكش رجوع
خايف تموت مالجوع؟
كذاب وبتروج
التمثيلية ساعات
ما خلاص مفيش احساس
واهه كله له وسواس
في سوادنا بيزود..

Loading

By hanaa

رئيس مجلس إدارة جريدة الاوسط العالمية نيوز