مش هتفرق مين هيبقه ومين هيمشي
بقلم: سناء عاصم هلال
مش هتفرق مين هيبقه ومين هيمشي
اللي باقي عشاني غالي
واللي فارق مش هيفرق ليه مفارق
بالسلامه مفيش ملامه علي اللي غاب من غير عتاب
يوم ما يرجع مش هيلاقينا احنا استوينا من الجفا
عفو وعفينا الف مرة ومعامله مرررررة
والا في اهتمام والا احترام نستني ايه
بالسلامه مترجعوش حبي ليكوا متستاهلهوش
اما اللي باقي علي وجودنا من غير ما شاف منا اهتمام ومشفش منا غير المهانه وبردوا باقي انا بعتذر
اصل المحبه مش بالمزاج
وانا قلبي اصلي مليش عليه اي حساب
مقدرش الومه علي دقاته
يكفيه عذابه وانين نبضاته
انا بعتذر يا قلبي ليك
مكنش قصدي اجرحك
والا اعرف ناس تدبحك
بأيدى جبت الجاني
والا عرفت كيف اداويك
بس اللي اقدر اعمله
ابعد عن اللي اذاك
فكرت انه حب ملاك
اتاريني غرقت في بحر هلاك
ايه يا قلبي اللي رماك
علي قلب مصانش هواك
