كلمات الشاعر: محمد عبد العزيز رمضان

من بعدك يا أمي مش ممكن أعيش
من غيرك يا أمي من غيرك مليش
وحنانك يا أمي شيء ما يتحكيش
وإن حاولت أبعد لا ما يرضنيش
أنت نور حياتي بحر ما ينتهيش
أملي وزكرياتي ونور ما بينطفيش
أضحكي يا أمي لا ما تعيطيش
وإن تعبتي قولي لا ماتكدبيش
كدبي ظنوني وأوعي ما ترجعيش
أغلى من عيوني نفسي ما تتعبيش
طول ليلك يا أمي صاحية مابتنميش
ليه يا أمي ساكته خايفة ما بتقوليش
كل شيء يا أمي بعدك ما يساويش
ضحيتي عشاني كتير ما بتبخليش
وإن بعتك يا أمي إنتي ما بتبعيش
وإن خنتك يا أمي إنتي ما بتخنيش
نفسي كمان يا أمي مني ما تزعليش
وإن هانت حياتي إنتي ما تهنيش
لو هقول عشانك كلام ما يكفنيش
أو هوصف حنانك لا ما يتنسيش

Loading