ناس طيبين

شعر _ليلى رزق
محتاجين ناس طيبين
ناس نطمن معاهم
ناس نحس بالامان وياهم
ناس نكمل باقي العمر معاهم
ولا كدب ولا غش والاعيب
كفايانا .. شربنا كتير
و كان بحر حبكم مالح
قتل فينا كل الجوارح
فضلنا ماكنّا وكل شيء رايح
و لا ارتوينا ولا قدرنا نسامح
وكان سهم حبكم جارح
والقلب مين يداويه
والخالق وحده عالم بيه
اهي دنيا عايشين فيها ديابا
عايشين علي ظلم الغلابه
واحنا اللي كنا فاكرين
لاقينا الحب خلاص
و معانا ناس طيبين
و ابتسمت الايام
لاقينا حبنا ويا سلام
في الاخر طلعنا مغفلين
نلاقي الحب فين يا دنيا
وفي كل مكان نشوف عيون
المظلوم والموجوع والحزبن
لا قانون في الحب ولا اعراف
ولا تقولولي احنا ناس اغراب
في بلاد الحب لسه وصلين
ومنعرفش فيها غير الاحباب
وادينا في الشوارع اهو ماشين
اللي فينا مكفينا و ساكتين
لا نقول اه ولا يسمع صوتنا
حبيب و لا صديق و لا غريب
نداوي جروحنا بأيدينا
ولا عايزين منك يا دنيا طبيب
كفايانا .. عايزين بس ..
ناس طيبين
ناس من عصر قديم
قلوب دهب وبيوت طين
وعيون ترحب بكل أمين
يدخل علينا بالسلام
و يخرج ومعاه دعوات
لا يجرحنا ولا يسرقنا
ده من الناس الطيبين