نفس بريئة

بقلم الكاتب: محمد عباس_الاسماعيليه



كل الناس تحكم بالمرة
فين الحب؟ ولومن بره
مين بتضحي لاجل ضناها
لاجل مانوصل حتي لهره


اي قانون بيجور ويفرق
ارصد حالة وبعدها غرق
ناس بتضحي لاجل الفرصة
واسمع منها كلام متزوق


بعد ماعدا الوقت وفات
واتمنينا ننول في حاجات
بعنا ماضينا وكل حاضرنا
بين الحقد وحب الذات


فرحة بلهفة يااما اهات
راجع نفسك في اللي ظلمته
لحظة صمت بكل لغات
عايشين بكره وبعده ممات


هوه اداك رغم انت حرمته
اوعي تقول للناس دمرته
شر بلية في نفس وضيقه
بعدها فكر في اللي هجرته


شافوا الكذب وقالوا حقيقه
نار بتقئيد في القلب حريقه
قامت ثورة بكل طريقة
نشروا الكره بنفس شقيقه


ذنبها ايه الزهرة الناديه
تبكي وتحزن كل دقيقه
شالت غلطة غيرها المره
ربي احفظها وتصبح باره


رمز نقاء ووفية وحرة
روح بترفرف جوا وبره
عين اوسحر كله مضره
بكره يدوقوا نفس الكره


جشع النفس بدون احساس
مش هيفيدك مال والاماس
دنيا وفيها الشر اساس
وديون باقية بدون انفاس


اه منها الدنيا الغدارة
مكر وحيلة وقالوا شطارة
ودموع انفجرت بغزارة
لعبة وحبكة بكل مهارة


Loading