وحيات الحب

كتبت ليلى رزق
وحيات الحب ..
لتكون باقي ..
باقي على حبي و وفائي
باقي وفاكر مش ناسي
باقي عليا حتى ف الغياب
باقي ولو دقت عليك الباب
كل صباح جميله الجميلات
هقولك ايه ؟ ..
مانا ياما قولتلك ..
وانتِ ولا سامعه ولا شايفه
غيره وغير صورته اللامعه
ياما باتت عيونك فيها دمعه
ياما داريتي الحزن بالفرحه
ياما عيشتي الحب لوحدك
قصه طويله تحكي وصوتك
مخنوق و ألآه مش طالعه
ياما قولت ..
وانتِ ولا سامعه ولا شايفه
أنا عقلك أسماعي لي ..
أنا الباقي ليكي
أنا اللي بخاف عليكي
أنا اللي بنور لك طريقك
حتى لو الشمس مش طالعه
طيب .. وأنا هعمل ايه ؟
وأنا عمري ما حبيت
وأول لما نده لبيت
وجربت طعم الفرحه
ومعاه نسيت أنا مين
وسلمت قلبي للحنين
وأهو عدت عليا سنين
وهو فاكر اني ..
ولا سامعه ولا شايفه
و طبعاً مش عارفه
لما هرب من حبي
وخان ونسى كل كلامه
ولما رجع .. رجع كداب
اتعلم خيانه الاحباب
و كنت ديما فاتحه الباب
واقول ده اغلى الاحباب
وحيات الحب ..
لتفضل باقي ..
باقي على حبي و وفائى