بقلم ابراهيم عيسى المنوفيه
يا بلدي ياللي مالكاني
بحبك انتي يا بلدي
وباسمك بغني الأغاني
انتي الي فاتحه للكل بابك
من عراقي لسوري أو لبناني
ولا عمرك في يوم نسيتي
لا ليبي ولا تونسي ولا سوداني
الكل بيهتف باسمك
ولو رجعول بلادهم
بيحلمو يرجعو تاني
فيكي الخير والكرم
وعمرك ما نسيتي يوم
تبعتي كسوة الحرم
وكفايه فيكي يا بلدي
النيل وأبو الهول والهرم
يا بلدي يا اللي مالكاني
ودايما اسمك علي لساني
ومهما اشرق ولا اغرب
لازم ارجع ليكي تاني
حبك ساكن فؤادي
وهاورث حبك لولادي
ولو لفيت الدنيا كلها
لازم عليكي انادي
فاتحه بابك للجميع
وكرمك وخيرك مغطي
وحافظك ربي السميع
وهبك الأمن والأمان
وميخفش فيكي الرضيع
ربي حفظك من الاعادي
اللي يفكر يجي عليكي
او حتي يفكر ليكي يعادي
رجالك من جيش وشرطه
لازم نقولهم تسلم الايادي
