يا ريت

كتبت ليلى رزق
ياريت ..
كنا افترقنا من البدايه
يا ريت ..
ما كنا كملنا الحكايه
يعني دلوقتي اخدنا ايه ؟
ولا حاجه .. شويه شوق
بس معاهم مرار ..
وكام سؤال كده وخلاص
اهو اختار يقضي الليل
مع ناس غيرنا ..
طيب ياناس اسألوه
كام ليله عدت علينا
كنا بنكتب قصه حبنا
وقلوبنا بأيدينا
تكتب هي الحكايه
تفرح والفرحه ملهاش نهايه
ونقول الفجر خلاص
نصلي ونطمن على بعض
ويجي النوم ويسألني
هتنامي وتسمعي كلامي
اقول هنام بس عشان
اكمل قصتي في الاحلام
مع ملك الزمان ..
كانت فايدتها اي الاحلام
كام مرة نفترق وقلوبنا تتحرق
يا ريت ..
كنا افترقنا من البدايه
لما هي هي نفس النهاية
يعني دلوقتي اخدنا ايه ؟
غير شويه شوق ..
بس معاهم مرار
وكل يوم ..
عقلي يقول لقلبي اختيار
وقلبي يبكي وينهار …
اهو كل ده منك ياقلبي
يا ترى شبعت مرار ؟
وفاكر نفسك بتكتب اشعار
وانت بتبكي على الاطلال
ياريتك تقدر تختار ..