يا قلبي خدلك استراحه
بقلم: سناء عاصم هلال
يا قلبي خدلك استراحه
كفايه حزن كفايه غم
ولحياتك فوق وروق
وانسي الهموم
افرح وقوم افتح بيبان السعد
وتعالي نكتب وعد
من بكرة لازم نطوي اللي فات
ونكفي ندمع علي ذكريات
حفرت تجاعيد علي وشنا
كل اللي يشوفنا يقولنا
العمر بيجري قوام
امتي هنكفي الاحلام
عايشين علي الاوهام
قافلين شبابيك وبيبان
وحياتنا ظلام في ظلام
من بكرة يا قلبي تفتح شبابيك للنور
وتشوف الفرح ولقلبك تطوي الجرح
لا قريب والا بعيد هيشوف مر التجاعيد
كله هيقول ويعيد يتحسر علي اوهامك
يلا قوام حقق احلامك
وافرح وارقص علي انغامك
يا قلبي خدلك استراحه
وكفايه نوح افرح وجمل ايامك
