كلمات الشاعر: محمد عبد العزيز رمضان
يا قمر طال انتظارك
أنت فين غايب يا غالي
عمري كله بعيش عشانك
يوم ما شفتك إيه جرالي
بعتني وصنت اللي خانك
ليه نسيت حبي وحناني
تهت عني وفين مكانك
ليه قسيت وبقيت أناني
أنسى يا قلبي اللي هانك
قوله مش هنعيده تاني
حتى لو هيطول ملامك
مش هتلقاني في مكاني
حتى لو هتعيد كلامك
افتكر انت اللي جاني
سبتني وكان اختيارك
كل دا فوق احتمالي
رحت راح وياك زمانك
بعدي هتضيع الأماني
ياما كنت أسير خصامك
ليل نهار تايه بعاني
خنتني وكوتني نارك
وفى بحور الشوق رماني
أوعى تفتكر أعتذارك
إنه هيخفف هواني
أو هتفتكر إنتصارك
هو إعلان إنهزامي
عشت أيامي في مرارك
ويل وذل كمان سقاني
