الأوسط العالمية نيوز

رئيس مجلس الإدارة: هـنـاء نجـيب
رئيس التحرير: قطـب الضـوى

تعالوا وشوفوا


بقلمي جمال القاضي

تعالوا وشوفوا
لما بتحكي ملامح الصورة
مشاهد ظاهرة وغير محظورة
أول مشهد فيه للدنيا
وكانت حاجه غريبة وفيها تشوف
ناس مبسوطة وكتير محظوظة
وكانت البارح تحت الصفر
وبقاع البحر من فقر وجوع
بس الصبح الحظ ناداها
وأصل الحظ دا دايما رزق
لو بيصيبك مرة تفضل دايما
على نفس الحظ ونفس الوضع
ولما بيأتي لشخص الحظ
زي ماقالوا يخلي الأعمى
للساعة يشوف فين عقاربها
ويمكن يصلح فيها العطل
ماهي الدنيا مش بس شطاره
دا الأكتر فيها يكون للحظ
ومشهد تاني بس غريب
شاب وماسك طفل بإيده
داير بيه ورايح جاي يتسول
مره يقول هاتوا فلوس أطعمه بيها
والتانيه يقول حاجه لله
ابني مريض ومحتاج لطبيب
أو حد بقلب حنين يروح يداويه
و مشهد تالت بملامح الصوره
وكان المشهد من قصة بتحكي
عن أفضل راجل أنا شوفته بيبكي
عايش دايما بس في حاله
مش فاكرينه الأهل أو حتى جيرانه
الصبح بيسعى على رزق عياله
ويرجع تاني لبيته في آخر الليل
ومن همه ينام ولابيقضى الرزق عياله
عمي محمد الكل عليه بينادي
بالدور الأول ست تنادي هاتلي زبادي
وبالدور التاني ست تقوله أنوبة الغاز طلعهالي
ورغم الكل عليه بينادي كان للكل يراضي
ومن جواه كنت أنا بسمع قلبه بيبكي
ويقول والله أنا إنسان ومن لحم ودم
وبقلب يحس كمان زي الناس
بس الحظ كان دايما ليا في الدنيا يخاصم
وأنا والله مش زعلان دا رزق وكان
وعلى المكتوب أنا دايما راضي
مشاهد الدنيا كتيرة ولو حبيبت هتشوف
مشهد مشهد وملامح الصورة غير محظورة.

تعالوا وشوفوا
بقلمي جمال القاضي

سبتمبر 19, 2022 , , ,

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *